Xitay kompartiyesi öz emeldarlarliri bilen ularning xotunlirigha türme ziyariti orunlashturup agahlandurush bergen

Muxbirimiz qutlan
2015.05.25

Birleshme agéntliqning xewirige qarighanda, xitay kompartiyesi yéqindin buyan herqaysi ölkilerdiki yuqiri derijilik emeldarlar we ularning xotunlirini teshkillep türmilerni ziyaret qildurghan.

Xewerde déyilishiche, xubéy ölkisi 70 neperdin artuq yuqiri derijilik kompartiye emeldari we ularning xotunlirini teshkillep pütün bir kün türme ziyariti qildurghan. Mezkur ziyaret ömiki bu jeryanda xiyanetchilik we parixorluq bilen eyiblinip türmide jaza mudditi ijra qiliwatqan 15 neper jinayetchi bilen uchrashturulghan hemde ularning töwinamiliri anglitilghan.

Xitay kompartiyesining organ géziti bolghan “Xelq géziti” bu heqte mexsus xewer bérip, buni “Parixorluq we chiriklikke qarshi bir meydan agahlandurush terbiyisi” dep atighan.

Xewerde xitay kompartiyesi merkiziy intizam tekshürüsh komitétining bu heqtiki qarari neqil keltürülüp, emeldarlargha türme ziyariti orunlashturush ishining pütün xitay boyiche élip bérilidighanliqi ilgiri sürülgen.

Közetküchiler, xitay kompartiyesining bu xil külkilik tedbirliri emeliyette ularning öz ichidin chirip, chak-chékidin ayrilghanliqini shundaqla öz seltenetini saqlap qélish yolida élip bériwatqan eng axirqi bimenilerche urunushi ikenlikini tekitlimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.