“Shinjang géziti” ning sabiq partkom sékrétari jaw shingwéy tekshürüshke élindi

Uyghur élidiki kompartiye awazi hésablinidighan “Shinjang géziti” idarisining sabiq partkom sékrétari, bash muheriri jaw shingwéy partiye intizamigha éghir derijide xilapliq qilish gumani bilen tekshürüshke élin'ghan.

Xewerde uning intizamgha qandaq xilapliq qilghanliqi éniq tilgha élinmighan bolsimu, emma közetküchiler buning parixorluq we chiriklikke munasiwetliklikini bildürmekte.

Xelq torining xewiridin qarighanda, jaw shingwéy eslide shenshilik bolup, u 1986-yili Uyghur éligha köchüp kelgen. U bu jeryanda qeshqer wilayetlik hökümet ishxanisida katib, bölüm bashliqi, wilayetlik partkomning da'imiy ezasi, qeshqer wilayetlik partkom teshwiqat idarisining bashliqi qatarliq wezipilerni ötigen.

Jaw shingwéy 2011-yilidin bu yil 4-ayghiche shinjang gézitige partkom sékrétari bolup turghan. Jaw shingwéyning mesilisining uning qeshqerde emeldar bolup turghan mezgili bilen köprek alaqisi bolushi mumkinliki mölcherlenmekte. Xitay da'iriliri téxi yéqinda Uyghur élidiki “Fuli latariye merkizi”ning bashliqi bolghan yin mingküyni parixorluq jinayiti bilen qolgha alghan idi.