Xitayda enxuy we sichüenning mu'awin ölke bashliqliri jazalandi

Muxbirimiz méhriban
2016-07-26
Share

Xitay xewerliridin melum bolushiche, enxuy ölkisining mu'awin ölke bashliqi yang jinchaw we sichüen ölkisining mu'awin ölke bashliqi li yünchéng, xitay merkizi intizam tekshürüsh idarisi teripidin tekshürülgendin kéyin, 26-iyul küni kompartiye ezaliqidin chiqirilip, xizmitidin éliwétilip, qanun orunlirining bir terep qilishigha tapshurulghan.

Xewerde yene parixorluq, chiriklik, hoquqini qalaymiqan ishlitish bilen tekshürülgen enxuyning mu'awin ölke bashliqi yang jinchawning tekshürüshke maslashmighanliqi, sichüen ölkisining mu'awin ölke bashliqi li yünchingning siyasiy intizamgha xilapliq qilip, xizmet qulayliqidin paydilinip bayliq toplighanliqi, tekshürüshke qarshiliq qilghanliqi qatarliqlar eskertilip, her ikkisining barliq wezipiliridin élip tashlinip, edliye orunlirining bir terep qilishigha tapshurulghanliqi tilgha élin'ghan.

Melum bolushiche, xitay dölet re'isi shi jinping 2012-yili"Parixorluqqa zerbe bérish" herikitini bashlighandin buyan, xitayning ölke derijiliktin yuqiri emeldarliridin jazalan'ghanlar 60 tin ashqan. Xitay hökümet taratqulirida ularning "Parixorluq we intizamgha xilapliq qilghanliqi" xewer qiliniwatqan bolsimu, emma chet'ellerdiki xitay weziyet analizchiliri shi jinpingning emeldarlar arisida omumlashqan "Parixorluq" qilmishigha zerbe bérishni bahane qilip, özige qarshi guruhtikilerni tazilawatqanliqini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet