Xitay merkiziy partiye mektipining bir emeldari jyang zéminning éliwétilgen béghishlimisi heqqide inkas qayturghan

Muxbirimiz qutlan
2015-08-31
Share

Roytérs agéntliqining xewirige qarighanda, 31-awghust küni xitay merkiziy partiye mektipining bir emeldari sabiq xitay re'isi jyang zéminning qomuruwétilgen béghishlimisi heqqide inkas qayturghan.

U bu heqtiki inkasida: "Yoldash jyang zéminning merkiziy partiye mektipi üchün eyni waqitta yézip bergen béghishlimisining mektep derwazisidin éliwétilishi hergizmu hörmetsizlikning alamiti emes, biz yenila uni burunqidek hörmet qilimiz" dégen.

Tyenjindiki zor partlashtin kéyin, xitay merkiziy partiye mektipini öz ichige alghan xitaydiki bir qisim uniwérsitétlar jyang zéminning eyni waqitta yézip bergen béghishlimilirini arqa-arqidin éliwetken. Bu ehwal taratqulargha ashkara bolghandin kéyin, xitay ichi we xelq'arada küchlük ghulghula peyda bolghan. Köpligen siyasiy analizchilar we közetküchiler buni shi jinpingning jyang zéminni bir terep qilishtiki aldin'ala bergen signali dep hésablighan.

Igilinishiche, shi jinping bilen sabiq xitay rehbiri jyang zémin guruhi otturisidiki hoquq talishish we küch sinishish kürishi tyenjindiki zor partlashtin kéyin téximu jiddiyleshkenliki melum bolmaqta.

Bügün xitay da'irilirining ijtima'iy taratqularda shunche köp ghulghuligha seweb bolghan weqege, yeni jyang zéminning xitay merkiziy partiye mektipidiki béghishlimisining éliwétilishige inkas qayturushi téximu zor diqqet qozghimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet