Xitay ispaniye sotining jyang zéminni tutush buyruqigha naraziliq bildürdi

Ispaniye soti sabiq xitay re'isi jyang zémin üstidin tutush buyruqi chiqarghandin kéyin, xitay hökümiti bayanat élan qilip naraziliq bildürdi.

Ispaniye soti seyshenbe küni sabiq xitay re'isi jyang zémin we xu jintaw qatarliqlarni tibet xelqi üstidin insaniyetke qarshi jinayet yürgüzüsh jinayiti bilen eyiblep, ularni tutush buyruqi chiqarghan idi.

Xitay diplomatiye ministirliqi bayanatchisi xong léy charshenbe künidiki bayanatida ispaniye sotining yuqiriqi qararigha küchlük étiraz bildüridighanliqini éytti.

U mundaq dédi: biz ispaniyeni bu natoghra hökümni özgertishke we xitay-ispaniye munasiwetlirige ziyan séliwatqan tibet bölgünchilirining xorikini östürüp qoymasliqqa chaqirimiz.

Ispaniye döletlik jinayi ishlar soti uniwérsal adalet prinsiplirigha asasen, ispaniyediki tibetni qollighuchi teshkilatlar xitay rehberliri üstidin sun'ghan eyibleshlerni qobul qilghan.

Mezkur sot ilgiri Uyghur élini 10 yil sorighan wang léchüen üstidinmu tutush buyruqi chiqarghan idi.