Уйғур аптоном райони тәптиш идарисиниң муавин башлиқи ши шавлин тәкшүрүлүшкә башлиди

Мухбиримиз меһрибан
2015-12-25
Share

Хитай мәркизи интизам тәкшүрүш ториниң 25-декабирдики хәвиридин мәлум болушичә, уйғур аптоном районлуқ интизам тәкшүрүш комитети уқтуруш чиқирип, уйғур аптоном районлуқ тәптиш мәһкимисиниң муавин башлиқи, уйғур аптоном районлуқ тәптиш мәһкимиси парткоминиң әзаси ши шавлинниң интизамни еғир дәриҗидә бузғанлиқи үчүн, нөвәттә тәшкилниң тәкшүрүшигә йолланғанлиқини елан қилған.

Ши шавлин уйғур аптоном районидики назарәт дәриҗилик һөкүмәт кадири болуп, 1959-йили шәншиниң хуанән шәһиридә туғулған ши шавлин 1977-йили маралбеши наһийиси уруқчилиқ мәйданида қайта тәрбийә елишқа чүшкәндин кейин, илгири-кейин болуп маралбеши, йеңисар, қәшқәр вилайити вә бортала областлиқ һөкүмәт, биңтуән 5-девизийиси қатарлиқларда вәзипә өтигән вә 2011-йил 7-айдин башлап уйғур аптоном районлуқ қанун әдлийә назаритиниң партком секретари вә муавин назири болған. У 2013-йил 7-айда уйғур аптоном районлуқ хәлқ тәптиш мәһкимисиниң муавин назири болуп тәйинләнгән.

Хәвәрдин мәлум болушичә, икки күндин буян уйғур аптоном районида икки нәпәр назирдин юқири дәриҗилик әмәлдар вәзиписидин қалдурулған болуп, даириләр 24-декабир күни бортала областиниң партком секретари го шяңйи исимлик йәнә бир әмәлдарниң интизамға еғир дәриҗидә хилаплиқ қилғанлиқи үчүн вәзиписидин қалдурулуп тәкшүрүлүватқанлиқини елан қилинған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт