Uyghur aptonom rayoni teptish idarisining mu'awin bashliqi shi shawlin tekshürülüshke bashlidi

Muxbirimiz méhriban
2015-12-25
Share

Xitay merkizi intizam tekshürüsh torining 25-dékabirdiki xewiridin melum bolushiche, Uyghur aptonom rayonluq intizam tekshürüsh komitéti uqturush chiqirip, Uyghur aptonom rayonluq teptish mehkimisining mu'awin bashliqi, Uyghur aptonom rayonluq teptish mehkimisi partkomining ezasi shi shawlinning intizamni éghir derijide buzghanliqi üchün, nöwette teshkilning tekshürüshige yollan'ghanliqini élan qilghan.

Shi shawlin Uyghur aptonom rayonidiki nazaret derijilik hökümet kadiri bolup, 1959-yili shenshining xu'anen shehiride tughulghan shi shawlin 1977-yili maralbéshi nahiyisi uruqchiliq meydanida qayta terbiye élishqa chüshkendin kéyin, ilgiri-kéyin bolup maralbéshi, yéngisar, qeshqer wilayiti we bortala oblastliq hökümet, bingtu'en 5-déwiziyisi qatarliqlarda wezipe ötigen we 2011-yil 7-aydin bashlap Uyghur aptonom rayonluq qanun edliye nazaritining partkom sékrétari we mu'awin naziri bolghan. U 2013-yil 7-ayda Uyghur aptonom rayonluq xelq teptish mehkimisining mu'awin naziri bolup teyinlen'gen.

Xewerdin melum bolushiche, ikki kündin buyan Uyghur aptonom rayonida ikki neper nazirdin yuqiri derijilik emeldar wezipisidin qaldurulghan bolup, da'iriler 24-dékabir küni bortala oblastining partkom sékrétari go shyangyi isimlik yene bir emeldarning intizamgha éghir derijide xilapliq qilghanliqi üchün wezipisidin qaldurulup tekshürülüwatqanliqini élan qilin'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet