Xitay adriyan zénz we ASPI üstidin erz sunushni oylishiwétiptu

Muxbirimiz nur'iman
2020-07-08
Share

Xitay dölet taratqusi bolghan "Yershari waqti" torining 8-iyul bergen xewirige qarighanda, xitay hökümiti gérmaniyelik tetqiqatchi adriyan zénz we awstraliye istratégiyelik siyaset instituti üstidin erz qilidighanliqini bildürüp tehdit salghan.

Xewerde: "Menbelerge qarighanda xitay adriyan zénz we awstraliye istratégiyelik siyaset instituti (ASPI) üstidin erz sunushni oylishiwatidu, ular uzundin buyan xitay heqqide töhmet chaplap tarqatqan" déyilgen.

Doktor adriyan zénz xitayning Uyghurlarning nopusini cheklesh arqiliq irqi qirghinchiliqqa yol échiwatqanliqi heqqide doklat élan qilghan. Awstraliye istratégiyelik siyaset instituti xitayning yuqiri téxnika arqiliq Uyghurlarni qattiq basturuwatqanliqini tekshürüp chiqqanidi.

Mezkur xewerde mexsus adriyan zénzning kim we awstraliye istratégiyelik siyaset institutining néme ish qilidighan organ ikenliki heqqide tepsiliy bayan qilin'ghan bolup, bu" Atalmish 'tetqiqatchi' we atalmish awstraliye istratégiyelik siyaset instituti atalmish 'doklat' larni da'im élan qilip junggoni asassiz eyiblidi "dégenler ilgiri sürülgen.

Xitay metbu'atining xewer qilishiche, bu yil mart éyida, xitayning lagérlirida yétip chiqqan bezi" Uyghur ziyaliyliri "dunya Uyghur qurultiyi üstidin özlirining resimlirini ruxsetsiz ishletken, dégen seweb bilen erz qilidighanliqini bildürgen bolup, lékin ular qandaq erz qilidighanliqini tilgha almighan. Dunya Uyghur qurultiyi buni" Xitayning tére taraqlitishi "dégenidi.

Nöwette yene xitay hökümitining chet'ellerdiki Uyghur pa'aliyetchilirini eyiblesh we bashqa her xil usullar bilen zerbe bérish hem tehdit sélishni kücheytkenliki eyiblenmekte.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet