Атуш соти бейҗиңға 160 қетим әрз қилип барған әр-аял хитай әрздарға қамақ җазаси бәргән

Мухбиримиз әркин
2016-08-19
Share

Уйғур районида хитай әрздарларға қамақ җазаси бериш аз учрайдиған әһвал болсиму, әмма қизилсу областлиқ оттура соти бейҗиңға 160 қетим әрз қилип барған икки хитай көчмән әрздарни қамақ җазасиға һөкүм қилған.

Хитай “йәр шари вақти гезити”ниң ашкарилишичә, областлиқ сот әрздар ваң зеңйиң билән аялиниң 160 қетим бейҗиңға әрз қилип беришини “паракәндичиликкә қутратқулуқ қилиштәк ғәйрий нормал һәрикәт” дәп қарап, ерини 3 йиллиқ, аялини 2 йиллиқ қамақ җазасиға һөкүм қилған.

Атуш шәһәрлик сот ваң зеңйиң билән аялини 2015‏-йили 12‏-айда қамақ җазасиға һөкүм қилған, әмма әр-аял иккийлән һөкүмгә наразилиқ билдүрүп, қизилсу областлиқ оттура сотқа әрз қилған икән. Областлиқ оттура сот йеқинда уларниң әрзини рәт қилған.

Хәвәрдә илгири сүрүшичә, ваң зеңйиң вә аяли илгири бир бағваран давасида қәшқәр шәһәрлик һөкүмәт билән сотлишип қелип, қәшқәр шәһәрлик һөкүмәтниң 3 милйон 120 миң сом төләм беришини тәләп қилған.

Сот 2012‏-йили хитай әр-аялниң пайдисиға һөкүм чиқарған болсиму, әмма шәһәрлик һөкүмәт төләп беришни рәт қилған. Шуниң билән әр-аял көчмән хитайлар бейҗиңға берип әрз қилишқа башлиған.

“йәр шари вати гезити”ниң илгири сүрүшичә, қизилсу областлиқ сот әрздар хитай әр-аялни 2012‏-йилдин бери 160 қетим ғәйрий нормал әрз қилип, тйәнәнмин мәйдани қатарлиқ назук орунларниң аммиви тәртипигә тәсир қилған, дәп әйиблигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт