Maqale: xitay armiyesi étnik topluqlarning könglini untushta meghlup boldi

“Diplomat” tor zhurnilida élan qilin'ghan “Shinjanggha nezer” namliq maqalide xitay armiyesining étnik topluqlarning könglini untushta meghlup bolghanliqi körsitildi.

Maqalini xitaydiki az sanliq millet we milliy siyasetni tetqiq qilidighan graham adams isimlik tetqiqatchi yazghan.

Maqalide 2009- yilidiki ürümchi namayishidin kéyin,  xitay da'irilirining atalmish térrorchi we bölgünchilerge qattiq zerbe bérish siyasitini téximu kücheytkenliki otturigha qoyghan.

Aptor maqalide da'irilerning milliy we diniy muqimliqni bahane qilip, yerlik xelqlerni basturuwatqanliqi we rayondiki bixeterlik qisimlirini jiddiy köpeytkenlikini yazghan.

Maqalide körsitishiche, xitay hökümiti atalmish “Azadliq” tin kéyin, xitay azadliq armiyesining az sanliq milletlerning hamiysi ikenlikini körsitishke tiriship kelgen.

Maqalide mundaq déyilgen: halbuki, bu ottura asiyaliq étnik topluq xitay armiyesi we j x idarisige qet'iy ishenmeslik meydanini özgertmey keldi.

“Diplomat” tor zhurnilining bash shitabi yaponiyening tokyo shehirige jaylashqan.