"йәршари вә почтиси" гезити: "хитай уйғурларниң мәсилисидә өзиниң әхлақи лаяқитидин айрилип қалди"

Мухбиримиз әркин
2021-06-11
Share

Америкадики "коммунизм қурбанлири хатирә фонди" ниң тәтқиқатчиси ‍адриян зензниң йеқинда елан қилған хитай һөкүмитиниң уйғурларниң туғулушини азайтиш сияситигә аит йеңи дәлилләр хәлқарада давамлиқ тәсир қозғимақта. Канададики "йәршари вә почтиси" гезити 10-июн бу тоғрисида мақалә елан қилип, "хитайниң уйғурларниң туғулуш мәсилисидә ‍өзиниң әхлақи лаяқитидин айрилип қалғанлиқи" билдүргән.

Мәзкур гезитниң обзорчиси җон иббитсонниң намида елан қилинған бу мақалидә, ‍адриян зензниң хитай һөкүмитиниң уйғур елидики хитайларни көп туғушқа, уларни уйғур елиниң җәнубидики районларға көчүп келип олтурақлишишқа риғбәтләндүрүш билән бир вақитта, уйғурларниң туғулушини һәр хил васитиләр билән азайтишқа киришкәнликини дәлилләр билән ‍ашкарлиғанлиқини билдүргән.

Мақалидә йәнә хитай һөкүмитини бу мәсилини уйғурларни кәң көләмлик лагерларға қамаш, ишчиларни мәҗбурий йөткәш, туғутни мәҗбурий контрл қилиш, әр-аялларни айриветиш, мәҗбурий туғмас қилиш, ‍үзүк селиш, бала чүшүрүш қатарлиқ усуллар арқилиқ һәл қилмақчи болғанлиқи, дәлилләрниң ениқ ‍икәнликини билдүрүп, "бейҗиң һөкүмити ‍өзиниң барлиқ әхлақи лаяқитидин айрилип қалди" дейилгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт