"Yershari we pochtisi" géziti: "Xitay Uyghurlarning mesiliside özining exlaqi layaqitidin ayrilip qaldi"

Muxbirimiz erkin
2021-06-11
Share

Amérikadiki "Kommunizm qurbanliri xatire fondi" ning tetqiqatchisi ‍adriyan zénzning yéqinda élan qilghan xitay hökümitining Uyghurlarning tughulushini azaytish siyasitige a'it yéngi deliller xelq'arada dawamliq tesir qozghimaqta. Kanadadiki "Yershari we pochtisi" géziti 10-iyun bu toghrisida maqale élan qilip, "Xitayning Uyghurlarning tughulush mesiliside ‍özining exlaqi layaqitidin ayrilip qalghanliqi" bildürgen.

Mezkur gézitning obzorchisi jon ibbitsonning namida élan qilin'ghan bu maqalide, ‍adriyan zénzning xitay hökümitining Uyghur élidiki xitaylarni köp tughushqa, ularni Uyghur élining jenubidiki rayonlargha köchüp kélip olturaqlishishqa righbetlendürüsh bilen bir waqitta, Uyghurlarning tughulushini her xil wasitiler bilen azaytishqa kirishkenlikini deliller bilen ‍ashkarlighanliqini bildürgen.

Maqalide yene xitay hökümitini bu mesilini Uyghurlarni keng kölemlik lagérlargha qamash, ishchilarni mejburiy yötkesh, tughutni mejburiy kontrl qilish, er-ayallarni ayriwétish, mejburiy tughmas qilish, ‍üzük sélish, bala chüshürüsh qatarliq usullar arqiliq hel qilmaqchi bolghanliqi, delillerning éniq ‍ikenlikini bildürüp, "Béyjing hökümiti ‍özining barliq exlaqi layaqitidin ayrilip qaldi" déyilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet