Xitayning eydiz wirusida yuqumlan'ghuchilarni opche muncha we hordaqxanilardin cheklesh pilani naraziliqqa uchridi

Muxbirimiz erkin
2013.10.14
Share on WhatsApp
Share on WhatsApp

Xitay soda ministirliqi hazirlighan eydiz wirusida yuqumlan'ghuchilarning opche muncha we hordaqxanilargha kirishini cheklesh toghrisidiki belgilime tenqidke uchridi.

Düshenbe küni, b d t ning eydizge qarshi turush orgini we bezi kishilik hoquq teshkilatliri xitay da'irilirige naraziliq bildürüp, mezkur belgilimini derhal emeldin qaldurushni telep qildi.

Xitay soda ministirliqi hazirlighan bu belgilimining pikir élish nusxisi xitay dölet kabinétining tor bétide élan qilin'ghan. Belgilimide jinsiy yuqumluq késili barlar, eydiz wirusida yuqumlan'ghuchilar we tére késili barlarning kolléktip muncha, hordaqxana qatarliq ammiwi mulazimet orunlirigha kirishi men'i qilin'ghan.

Lékin, düshenbe küni b d t eydizge qarshi turush orginining béyjingda turushluq xadimi hadiye belhaj, mezkur organning bu belgilimisidin endishe qiliwatqanliqini bildürüp, uning derhal emeldin qaldurulushini telep qildi. Nenjingni baza qilghan “Hemmige adalet” namliq kemsitishke qarshi turush teshkilatining mes'uli yü fangchyang, “Bu belgilimining birdin-bir roli eydiz wirusida yuqumlan'ghuchilarni kemsitish, xalas” dep tenqid qilghan.

Yü fangchyangning bildürüshiche, uning teshkilati bashqa 5 ammiwi teshkilat bilen birliship mezkur belgilimige qarshi turghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.