америка даирилири бир нәпәр хитай пуқрасини фентанел ишләпчиқиришта ишлитидиған зәһәрлик мадда ясаш билән әйибләп қолға алған.
америка тексас иштатидики федератсийә заседателлар өмикиниң баянатидин қариғанда, хитай пуқраси чен шявфей америкаға саитигә 24 миң данә фентанил таблити ишләпчиқиралайдиған дора пиреслаш машиниси елип кирип, зор көләмдә фентанил маддиси ясап сатқан.
"ишхана хәвәрлири" ториниң билдүрүшичә, чен шявфей 8 йилдин бери хитайдики дора пиреслаш машиниси ишләпчиқиридиған завутниң америкадики сетиш вәкили болуп кәлгән. бу машинилар "M30" оксикодон (oxycodone) таблиткисиға охшаш ретсеплиқ дориларни тәқлид қилалайдиған болуп, у һәр йили америкада нәччә он миңлиған кишиниң һаятидин айрилишиға сәвәб болуватқан зәһәрлик чекимлик фентанилниң хам әшяси икән.
америка ана вәтән хәвпсизлики бихәтәрлик тәкшүрүш алаһидә хадими кәсий макглон (Kathy McGlone) бу үскүниниң сахта дориларни түркүмләп ишләпчиқириш иқтидариниң америкада фентанил ишлитишиниң көрүнәрлик күчийишигә сәвәб болғанлиқини билдүргән.
хәвәрдә дейилишичә, бу хитай ширкити дора пиреслаш машинилириниң запчаслирини чувуп андин уни америкаға киргүзгән. улар америка таможнасида бу запчасларни йүк машинисиниң запчаслири дәп чүшәндүрүш бәргән. запчасларни ялған баянат билән таможнадин өткүзгәндин кейин, уларни қайтидин қураштуруп фентанил үчүн хам әшя болидиған дора таблиткилирини зор көләмдә ясап сатқан.
америка даирилири чен шявфейни из қоғлап тәкшүрүш арқилиқ, бу йил 10-айда у қанунлуқ виза билән америкаға қайта киргәндә қолға алған. әгәр униң җинайити бекитилгән тәқдирдә, униң қамақ җазасиға дуч келиши вә еғир җәриманә билән җазалиниши мумкин икән.