Пей миншин: «хитай һәқиқәт билән йүзләшти»

Мухбиримиз ирадә
2018-08-09
Елхәт
Пикир
Share
Принт

Америка-хитай сода урушида хитайниң аччиқ һәқиқәт билән йүзлишиватқанлиқи мулаһизә қилинмақта. Америкидики калифорнийә университетиниң оқутқучиси пей миншин тәрипидин «асия мулаһизилири» тор бетидә елан қилинған мәзкур мулаһизидә көрситилишичә, америка-хитай сода уруши башлиништин аввал хитай тәрәп өзлирини америкидин күчлүк һесаблиған. Улар әгәр америка хитай билән содида тутушуп қалған тәқдирдә америка президенти күчлүк тәнқидигә учрайду, хәлқниң қоллишидин мәһрум қалиду, дәп чотни хата соққан. Әмма дәл әксичә трамп хитай билән сода урушини башлиғандин буян америка дөләт мәҗлиси вә һөкүмитидики сиясәтчиләр асасән уни қоллиған. Хитайниң ички вә ташқи сиясәтлири һәққидики муназириләр бирдинла улғайған.

Аптор пей миншин хитайниң мана әмди һәқиқәт билән йүзләшкәнликини, хитай рәиси ши җинпиңниң пәрәз қилғининиң әксичә нәтиҗә берип, өзиниң һакимийитигә хәвп шәкилләндүргәнликини баян қилған. Униң ейтишичә, ши җинпиң «бир бәлвағ бир йол» қурулушиға охшаш наһайити қиммәткә тохтайдиған вә қейин қурулушни башлаш арқилиқ өзигә иш териған. Америка билән тиркишиш арқилиқ дең шиявпиңниң «америка билән әп өтүш, ғәрбкә алдирап күчини намаян қилмаслиқ» нәзәрийисигә хилаплиқ қилған. Нәтиҗидә, өзиниң «алтун дәври» ни күтүватқан ши җинпиңниң «җуңго чүши» суға чилишишқа башлиған. 

Аптор пей миншин мулаһизисидә ши җинпиң һөкүмитиниң һазирқи вәзийәттин җиддийлишип қалғанлиқини, униң я мушу сияситини тохтимай давам қилиш яки илгирикиләрниң нәсиһитини аңлап бурунқидәк яваш-юмшақ сиясәткә қайтиштин ибарәт икки йолниң бирини таллашқа мәҗбур болидиғанлиқи тәхмин қилинған.

Пикирләр (0)
Share
Толуқ бәт