Xitay merkizi herbiy ishlar komitétining urush qilish hoquqi téximu kéngeytilgen

Muxbirimiz erkin
2021-01-04
Share

Xitay xelq qurultiyi xitayning dölet mudapiye qanunigha tüzitish kirgüzüp, merkizi herbiy ishlar komitétining urush siyasiti we qarar chiqirish hoquqini téximu kücheytken. "Jenubiy xitay etigenlik pochtisi" gézitining xewer qilishiche, 1-yanwardin bashlap resmi küchge ige bolghan bu qanunda urush qilish siyasiti we qarar qilish hoquqi xitay dölet kabéntidin xitay merkiziy herbiy ishlar komitétigha ötküzüp bérilgen. Buning bilen shi jinping rehberlikidiki xitay merkiziy herbiy ishlar komitétining hoquqi téximu kücheytilgen.

Melum bolushiche, bu qanun'gha asasen xitay merkiziy herbiy ishlar komitéti urush siyasitini belgilesh we qarar qilish hoquqigha érishipla qalmay, ammiwi küchlernimu seperwer qilish hoquqigha érishken. Qanunda qoralliq qisimlar we zapas qisimlarning "Buzghunchiliq" we "Tereqqiyat hoquqi" ni qoghdash üchün seperwer qilinidighanliqi tekitlen'gen bolup, bu uqumning tunji qétim xitay dölet mudapiye qanunida tilgha élinishi iken.

"Jenubiy xitay etigenlik pochtisi" ning xewiride éyitilishiche, herbiy siyasi analizchilar bu qanun shi jinping bashchiliqidiki xitay armiyesining rehberlikini kücheytidighanliqi, uning dölet sirtida amérikagha qaritilghanliqi, dölet ichide musteqilliq heriketlirini qoralliq basturushni nishan qilidighanliqini ilgiri sürgen. Mezkur qanun 26-dékabir maqullan'ghan bolup, 1-yanwardin bashlap resmi küchke ige bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet