Xitay armiyisi xitay merkizi téléwiziyiside yéngi qorallirini körsetti

Muxbirimiz irade
2016.07.21
Share on WhatsApp
Share on WhatsApp

Jenubiy junggo seher gézitining xewer qilishiche, xitay armiyisining jenubiy junggo déngizigha mes'ul qisimliri déngiz we hawa urushlirida ishlitilidighan bir türküm yéngi qorallirini ashkarilighan. Bu qorallar xitay xelq azadliq armiyisining général fen janglungning jenubtiki qisimlargha qilghan ziyariti dawamida xitay dölet téléwiziyiside xewer qilip tarqitilghan.

Gézitning bildürüshiche, bir qisim közetküchiler xitay yéngi qorallirini köz-köz qilish arqiliq amérikini jenubiy junggo déngizi mesiliside agahlandurup, amérika bilen bolghusi bir toqunushqa nisbeten özlirining puxta teyyarliqi barliqini bildürmekchi bolghan bolushi mumkin, dégen.

Gollandiyening denhag shehiridiki xelq'ara sot 12‏-iyul jenubiy déngizdiki arallarning igilik hoquqi mesiliside höküm élan qilip, xitayning mezkur déngiz tewelikidiki xada tashlardin terkib tapqan arallarni özining dep élan qilishining “Tarixi asasi yoq ” dep jakarlighan. Xitay terep bolsa buninggha qattiq naraziliq bildürgen idi

Melum bolushiche, xitayning merkizi téléwiziye qanili xewiride, ming kilométirliq musapige ige DF-16 tipliq bashqurulidighan bombisini körsetken. Bu bashqurulidighan bomba amérika armiyisining okiniwadiki bazisigha yétip baralaydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.