Өткән йил йүз бәргән хитай-һиндистан чегра тоқунушида хитайдин 4 адәмниң өлгәнлики елан қилинған

Мухбиримиз җәвлан
2021-02-19
Share

19-Феврал CNN торида елан қилинған бир хәвәрдә, өткән йил хитай билән һиндистан оттурисида йүз бәргән чегра тоқунушида хитайдин 4 адәм өлгәнлики, хитайниң буни тунҗи қетим ашкарилиғанлиқи билдүрүлгән.

Хәвәрдә ейтилишичә, өткән йилдики хитай-һиндистан чегра тоқунушида һиндистан тәрәп аз дегәндә 20 һиндистан әскириниң өлгәнликини елан қилған болсиму, хитай тәрәп зади қанчә адиминиң өлгәнликини рәсмий елан қилмиғаниди. Хитай йеқинда бу тоқунушта 4 адиминиң өлгәнликини исми билән қошуп елан қилған.

Хитайчә "тәңритағ тори" 19-феврал бир видийо елан қилип, хитай билән һиндистанниң өткән йил 6-айда йүз бәргән чегра тоқунушида төт адиминиң өлгәнликини хатирилигән, буларниң шинҗаң һәрбий районидики хитай командир вә әскәрләр икәнлики билдүрүлгән.

Ройтрес агентлиқиниң өткән йил 20-июн бәргән хәвиридә, хитай билән һиндистанниң чегра тоқунушида хитайдин аз дегәндә 40 әскәрниң өлгәнлики елан қилинғаниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт