Xitay xelq qurultiyi ikki perzentlik bolushqa resmiy ruxset qildi

Muxbirimiz ümidwar
2015-12-27
Share


Xitay xelq qurultiyi xitay puqralirining ikki perzentlik bolushqa ruxset qilishqa a'it özgertish kirgüzülgen yéngi pilanliq tughut qanunini 27 dékabir küni resmiy testiqtin ötküzdi.

Melum bolushiche, mezkur qanun 2016 - yili, 1 - ayning 1 - künidin étibaren küchke ige bolidu. Bu qanun boyiche ata - anilarning ikki perzentlik bolushigha ruxset qilinidiken,

B b s agéntliqining xitay menbeliridin neqil élishiche, xitay bu yil 10 - ayda bir qanche on yildin buyan dawamlashturup kéliwatqan bir perzentlik siyasitini özgertip, er - ayallarning ikki perzentlik bolushigha ruxset qilidighanliqini jakarlighan idi.

Xitaydiki pilanliq tughut siyasitining xitayning iqtisadiy tereqqiyatida belgilik rol oynighanliqi sherhilensimu, biraq uning yene nopus tengpungsizliqi, er - ayallar nisbitidiki perqler we bashqa türlük ijtima'iy mesililerni keltürüp chiqiriwatqanliqimu otturigha qoyulghan idi.

Yéqinqi yillardin buyan pilanliq tughut siyasitide bezi jaylarda ehwalgha qarap, qismen yol qoyush yürgüzülgen bolsimu, emma yéngidin qanun chiqirilip, ikki perzentlik bolushqa yol qoyush zörüriyiti tughulghan iken.

Emma, yenila her qaysi ölke, aptonom rayon we biwasite qarashliq sheherlerde bir perzentlik ata - anilarni teqdirlesh charisi yolgha qoyulghan bolup, dölet bir perzentlik ata - anilargha mexsus "Sherep guwahnamisi" tarqitip béridiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet