20 Dek dölettiki 40-50 tek parlamént ezasi xitayning intérpol ijra'iye komitétidiki namzatigha qarshi chiqqan

Muxbirimiz erkin
2021.11.15
Share on WhatsApp
Share on WhatsApp

20 Dek dölettiki 40-50 tek parlamént ezasi xelq'ara saqchi teshkilati-intérpolgha xet yézip, xitayning intérpol ijra'iye komitétidiki namzati xu binchén'gha qarshi chiqqan. Ularning agahlandurushiche, eger xu binchén intérpolning 23-noyabirdin 25-noyabirghiche ötküzülidighan 89-nöwetlik qurultiyida intérpolning 13 kishilik ‍ijra'iye komitétining ezaliqigha saylansa, bu chet eldiki Uyghurlar, xongkongluqlar, tibetler, teywenlikler we xitay pa'aliyetchilirige xewp élip kélidiken.

Bu xetke amérika, kanada, awstraliye, fransiye, bélgiye, en'giliye, chéxiye, hindistan qatarliq 20 dek dölettiki 47 neper parlamént ezasi imza qoyghan. Uningda: “Xitay xelq jumhuriyiti hökümiti intértpolning qizil tashliq tutush buyruqini köp qétim süyi'istémal qilip, sürgündiki öktichilerge ziyankeshlik qildi. Yéqinda Uyghur pa'aliyetchisi idris hesen marakeshte xitay xelq jumhuriyiti hökümiti yollighan, biraq kéyinrek bikar qilin'ghan qizil tashliq tutush buyruqi bilen qolgha élin'ghan. Nöwette u yenila xitay xelq jumhuriyitige qayturulushi, nawada qayturulsa xalighanche tutqun qilinish we qiyin-qistaqqa uchrushi mumkin,” déyilgen.

Bu xette yene d u q rehbiri dolqun eysaningmu xitay chiqarghan qizil tashliq tutush buyruqi bilen italiye parlaméntigha kirishte qolgha élin'ghanliqi, bu qizil tashliq buyruqning 20 yilgha yéqin mewjut bolup turghanliqi tekitlen'gen. Uningda éytilishiche, “‍Eger xu binchén ijra'iye komitétigha saylansa, intérpol omumiy qurultiyi xitay xelq jumhuriyiti hökümitining intérpolni dawamliq süyi'istémal qilishigha yéshil chiraq yéqip, chet eldiki Uyghur, tibet, teywen we xitay öktichilirini téximu chong xewpke qoyudiken.”

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet