“форбес” журнили хитай иқтисадиниң чөкүватқанлиқи һәққидә мақалә елан қилди

Мухбиримиз қутлан
2017-08-30
Share

Иқтисад илми бойичә дунядики әң нопузлуқ журналларниң бири болған “форбес” журнили түнүгүн хитай иқтисади һәққидә мәхсус анализ елан қилип, хитай иқтисадиниң җиддий рәвиштә чөкүватқанлиқини илгири сүргән.

“хитай иқтисади пәқәтла ‛понзи исхемиси‚ дики бир гигантму?” дәп мавзу қоюлған мәзкур анализда мундақ дейилгән: “‛җәнубий хитай әтигәнлик почтиси‚ гезитиниң йәкшәнбә күнидики санида пүткүл хитай иқтисадиниң ‛понзи исхемиси‚ дики бир гигант гәвдидәк көрүнгини билән униң әмәлийәттә чөкүш хәвпидин халий болалмайдиғанлиқи” агаһландурулған.

Анализда йәнә мундақ дейилгән: “хитай иқтисадиниң җиддий чөкүши бәлким бүгүн яки әтә болмаслиқи мумкин, әмма у худди иқтисадшунас һамфрей богарт қияс қилғинидәк, пат арида чоқум йүз бериду. Йәни хитай компартийәсиниң 19-қурултийидин бурун йүз бәрмигини билән, униңдин кейин һаман йүз бериду.”

Анализда хитайдики полат-төмүр ишләпчиқириш кризиси билән метал баһасиниң шиддәт билән чүшүп кетиши мисал кәлтүрүлүп, хитай иқтисадиниң чөкүшидики муқәррәр йүзлиниш ечип көрситилгән.

Униңда йәнә, хитай билән һиндистан оттурисида йүз бәргән доклам кризиси түпәйли хитайниң бутанға салған 10 милярд долларлиқ ғайәт зор мәблиғиниң көйүш еһтималлиқиму көрситип өтүлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт