Uyghur éli bahar peslide xitaydin 561 "Ixtisas igisi" ekelgen

Muxbirimiz jüme
2017-04-22
Share


Uyghur aptonom rayoni bu yil bahar peslide xitay ölkiliridin 561 "Ixtisas igisi" ekelgen.

Sina torining "Ürümchi astane seher géziti" ning xewerdin neqil xewer qilishiche, Uyghur aptonom rayonluq adem küchi bayliqi we ijtima'iy kapalet nazariti bu xadimlarning ichkiridiki nuqtiliq mekteplerni püttürgen a'almish "Ixtisas igiliri" ikenlikini bildürgen.

Xewerde körsitilishiche, bular rayonning ijtima'iy iqtisadiy tereqqiyatida ixtisasliqlar jiddiy kem bolush boshluqini toldurush üchün élip kélin'gen.

Bular xitayning chingxu'a, fuden, we shi'en qatnash uniwérsitéti qatarliq mekteplerni püttürgenler iken.

Bular aptonom rayonluq intizam tekshürüsh komitéti, aptonom rayonluq islahat komitéti, ijtima'iy penler akadémiyesi qatarliq hökümet organliri, ghulja, qaramay qatarliq sheherlerdiki kespiy we hökümet organlirigha orunlashturulghan.

Aliy mekteplerni püttürgen Uyghur yashliriningmu xizmet tépishta qiyniliwatqanliqi ilgiri soriliwatqan peytlerde, Uyghur aptonom rayonluq adem küchi bayliqi we ijtima'iy kapalet nazariti bu ayning béshidiki bir parche xewiride 2017-yili Uyghur élige 30 minggha yéqin ixtisasliq xadim jiddiy éhtiyajliq ikenliki ashkarilighan.

Emma bu xizmet pursetliridin yerliklerning behrimen qilinidighan yaki qilinmaydighanliqi hazirche namelum.

Uyghur aliy mektep oqughuchilirining ishsiz qélish mesilisi Uyghur élide barghanche éghirlishiwatqan mesililerning biri idi. Radi'omiz aldinqi yili qaramay shehirining özidila 5 mingdin artuq aliy mektepni püttürüp ishsiz yürgen Uyghur we qazaq oqughuchilarning barliqini xewer qilghan.

Melum bolushiche, xitay da'iriliri bu oqughuchilarning ata-anilirining erz teleplirige qulaq salmighan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.