Xitayning sana'et ishlepchiqirishi 2 yildin béri tunji qétim töwenligen

Muxbirimiz erkin
2018-12-31
Élxet
Pikir
Share
Print

Amérika-xitay soda urushi we xitayning dölet ichi iqtisadi ösüsh sür'itining astilishi qatarliq ammillarning tesiride xitayning sana'et ishlepchiqirishi 2 yildin béri tunji qétim töwenligen. Xitay döletlik istatéstika idarisi düshenbe küni xitay ishlepchiqirish sahesining ötken bir ayliq sétiwélish körsetküchini élan qilghan. Roytérsning xewiride neqil keltürilishiche, xitay ishlepchiqirish sahesining 12‏-ay ichidiki sétiwélish körsetküchi 4. 49 Pirsentke töwenlep, ötken aydikidin 6. 0 Pirsent azayghan. Xitay döletlik istatéstika idarisining ali derijilik istatéstikichisi jaw chingché buningda "Xelq'ara sodidiki ixtilapning küchiyishi, yershari iqtisadining ösüsh sür'itining astilishi qatarliq köp xil amillarning roli bar" liqini bildürgen. Roytérs agéntliqining 31‏-dékabir xewiride bayan qilinishiche, xitay ishlepchiqirish körsetküchining bu hali u duch kélidighan iqtisadiy bésimning küchiyidighanliqini körsitidiken.

50 % Ishlepchirish sahesining sétiwélish körsetküchidiki halqiliq siziq bolup, eger bir döletning ishlepchiqirish sahesining sétiwélish körsetküchi 50% tin artsa, bu uning iqtisadi kéngiyidighanliqini, 50 % din töwenlise uning iqtisadi kichiklewatqanliqini körsitidu.

Xitay iqtisadidiki bu ehwal amérika bilen xitay soda urushini 90 kün toxtatqan mezgilde barliqqa keldi. Prézidént tramp bilen xitay re'isi shi jinping argéntinada uchrashqanda soda urushini waqitliq toxtitishni qarar qilghan. Xitay terep "Urush toxtitilghan" 90 kün ichide amérika terep otturigha qoyghan bezi teleplerni hel qilishqa wede bergen idi. Ikki kün awwal prézidént tramp bilen shi jinping téléfonda körüshken. Körüshüshtin kéyin prézidént tramp twétérda söz qaldurup, ikki terepning otturidiki ixtilaplarni téz arida hel qilishini kütidighanliqi, ikki terepning bezi ilgirileshlerge érishkenlikini bildürgen. Lékin bezi közetküchilerning qarishiche, ikki terep otturisidiki ixtilapning qisqa waqit ichide hel bolushi gumanliq iken.

Toluq bet