Xitay iqtisadining eslige kélish üchün tipirlawatqanliqi algha sürülmekte

Xitay hökümiti élan qilghan tajsiman wirusi bilen yuqumlan'ghan bimarlarning sani heqqidiki doklat izchil zor guman qozghawatqanda xitay iqtisadining emeliyette téxiche wirustin awwalqi sewiyini eslige keltürüsh üchün tipirlawatqanliqi algha sürülmekte.

CNN Xewer torining 8-iyundiki xewiride éytilishiche, xitay hökümitining “Bizdiki ishlepchiqirish toluq eslige kélip boldi” dégen melumatliri ishenchlik emes iken. Bolupmu éksport sodisi muhim orun tutidighan xitay iqtisadining tashqi éksport miqdari may éyida ötken yildiki oxshash mezgilge qarighanda üch pirsenttin köprek töwenligen. Import miqdari bolsa 16 pirsenttin artuq töwenligen. Xitay iqtisadidiki birdin-bir yükselgen sahe mashina baziri bolup, ötken yilning oxshash mezgilige qarighanda ikki pirsentke yéqin ashqan. Halbuki, xitaydiki mashina bazirida sétiliwatqan mashinilarning mutleq köp qismi chet'el zawutlirining mehsulatliri iken.

Amérikadiki iqtisad sahesining mutexessisliri bu halni omumlashturup: “Xitay iqtisadining bu xil jan talishish we eslige kélishke urunushi az dégendimu bu yilning axirighiche dawam qilishi mumkin” déyishmektiken.