Америкадики сайлам хизмәтчилириниң муһим учурлирини хитайдики мулазиметирға әвәткән киши тутқун қилинған

Америкадики сайлам ишлирида хизмәт қилидиған хизмәтчи хадимларниң учурлирини хитайдики мулазиметиргә әвәткән киши тутқун қилинған.

Америка аммиви радийосиниң хәвәр қилишичә, америкадики сайлам мәзгилидә хизмәт қилидиған рай синаш хадимлирини орунлаштурушқа мунасивәтлик юмшақ детал ясайдиған коннеч (Konnech) намлиқ юмшақ детал шеркитиниң баш иҗраийә әмәлдари евгене йү (Eugene Yu) қолға елинған.

Лос-анҗелис наһийәлик тәптиш әмәлдари җорҗи гасконниң ахбарат йиғинида дийишичә, лос-анҗелис наһийәлик һөкүмәт мәзкур ширкәт билән түзгән тохтамнамисида, сайлам хизмәтчилири учурлириниң бихәтәрликигә капаләтлик қилишни, бу учурларни американиң ичидики мулазиметирларда сақлашни тәләп қилған. Әмма ширкәт бу муһим учурларни хитайдики мулазиметирға әвәтивәткән.

Мәлум болушичә, йү фамилилик ширкәт рәиси “хусусий кимлик учурини оғрилаш вә һөкүмәт мәблиғигә хиянәт қилиш” җинайәтлири билән тутқун қилинған.

Лос-анҗелис наһийәлик тәптиш даирилири мәзкур дело үстидә давамлиқ тәкшүрүш йүргүзидиғанлиқи вә мәсулийити барларни давамлиқ сүрүштүридиғанлиқини билдүргән.