Amérikadiki saylam xizmetchilirining muhim uchurlirini xitaydiki mulazimétirgha ewetken kishi tutqun qilin'ghan
2022.10.06
Amérikadiki saylam ishlirida xizmet qilidighan xizmetchi xadimlarning uchurlirini xitaydiki mulazimétirge ewetken kishi tutqun qilin'ghan.
Amérika ammiwi radiyosining xewer qilishiche, amérikadiki saylam mezgilide xizmet qilidighan ray sinash xadimlirini orunlashturushqa munasiwetlik yumshaq détal yasaydighan konnéch (Konnech) namliq yumshaq détal shérkitining bash ijra'iye emeldari éwgéné yü (Eugene Yu) qolgha élin'ghan.
Los-anjélis nahiyelik teptish emeldari jorji gaskonning axbarat yighinida diyishiche, los-anjélis nahiyelik hökümet mezkur shirket bilen tüzgen toxtamnamisida, saylam xizmetchiliri uchurlirining bixeterlikige kapaletlik qilishni, bu uchurlarni amérikaning ichidiki mulazimétirlarda saqlashni telep qilghan. Emma shirket bu muhim uchurlarni xitaydiki mulazimétirgha ewetiwetken.
Melum bolushiche, yü famililik shirket re'isi “Xususiy kimlik uchurini oghrilash we hökümet meblighige xiyanet qilish” jinayetliri bilen tutqun qilin'ghan.
Los-anjélis nahiyelik teptish da'iriliri mezkur délo üstide dawamliq tekshürüsh yürgüzidighanliqi we mes'uliyiti barlarni dawamliq sürüshtüridighanliqini bildürgen.