Xitay jenubiy déngiz mesiliside naraziliq inkas qayturdi

Muxbirimiz ümidwar
2015-05-31
Share


Amérika dölet mudapi'e ministiri eshton kartér jenubiy xitay déngizdiki talash - tartish rayonida her qandaq pa'aliyetlerni toxtitishni,chünki bu heriketlerning rayon weziyitini miqimsizlashturidighanliqini bildürdi. Eshton kartér bu sözini sin'gapurda échiliwatqan asiya - tinch okyan rayoni bixeterlik yighinida qilghan hemde u xitayning rayondiki herikitining xelq'ara ölchemlerge muwapiq emeslikini ilgiri sürgen idi.

Amérika awazining xewer qilishiche, yighin jeryanida yen amérika, yaponiye, awstraliye birleshme bayanat élan qilip؛ xitaydin jenubiy déngizda aral qurushni toxtitishni telep qilghan.

31 - May küni yighin'gha qatnishiwatqan xitay wekiller ömikining bashliqi, xitay armiyesing mu'awin shitab bashliqi sun jyen'go söz qilip, amérikining jenubiy déngiz aralliri mesiliside xitaygha bolghan tenqidini qattiq ret qilip, xitayning jenubiy déngizdiki aral qurush ishlirining "Toghra, qanunluq we yolluq"ikenlikini körsetti.

Eshton kartérning sözidin kéyin xitay tashqi ishlar bayanatchisi xu'a chünying inkas qayturup, "Xitayning jenubi déngiz taqim aralliridiki herikitining xitayning igilik hoquq da'irisi ichidiki ish ikenliki>ni körsitip, ", jenubiy déngiz mesilisi amérika bilen xitay arisidiki mesile bolmasliqi kérek" dégen.

Xitayning talash - tartish üstidiki déngiz rayonida sün'iy aral qurushi we bashqa pa'aliyetlirige qarita rayondiki döletler naraziliq bildürüp kelmekte idi. Talash - tartishtiki arallar mesilisi uzundin buyan xitay, filippin, wyétnam we bashqa döletler arisidiki ixtilap nuqtisigha aylinip, rayon weziyitidiki muqimsizliq amillirining birige aylan'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet