Xitay jenubiy déngizda rast oq ishlitilgen herbiy manéwir élip barghan

Muxbirimiz jüme
2016-07-09
Share

Xitay axbaratining shenbe küni xewer qilishiche, xitay déngiz armiyesi jenubiy déngizda rast oq ishlitilgen herbiy manéwir élip barghan.

Manéwirgha xitayning su asti paraxotliri, urush paraxotliri we küreshchi ayropilanlirimu qatnashqan. Xitay jenubiy déngizdiki manéwirni5 - iyul bashlighan bolsimu, bügünki manéwirning oxshimaydighan yéri manéwirda resmiy oq ishlitilgenlikide iken.

Gerche xitay da'iriliri bu manéwirning aldin pilanlan'ghan adettiki manéwir ikenlikini ilgiri sürgen bolsimu, buning xelq'ara sot filippin zémin dewasi üstidin chrqiridighan sot netijisining aldigha toghra kélishi diqqet chekken.

Filippin da'iriliri xitayning jenubiy déngizdiki yer igilesh herikitige qarishi 3 yil awwal xelq'ara sotqa erz sun'ghan, xelq'ara sot ötken yili küzde filippinning shikayitige bir qétim qarap chiqqan we 6 - iyul mezkur shikayet üstidin qarar chirqirighan sotni bashlighan. Halbuki xitay bu qétimqi sotni bayqut qilghan idi.

Xitayning merkiziy téléwiziyesi istansisi bu heqtiki bir xewiride mezkur manéwirning xitay déngiz armiyesining herbiy hazirliqini sinashni meqset qilghanliqini körsetken.

Xitayning mezkur manéwiri bashlinishtin ilgiri wiyétnam manéwirgha naraziliq bildürgen.

Xitay jenubiy déngizning spratél we parasél taqim aralliri teweside bir qisim xada tashlarni tindurup sün'iy arallarni yasashni bashlighandin kéyin, xitayning bu herikiti déngizgha chégrilinidighan wiyétnam, malaysiya,birunéy we filippin qatarliq döletlerning qarshiliqigha uchrighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet