Хитайниң биңтуәнгә қарашлиқ бир көмүр канда йүз бәргән вәқәдә 9 адәм өлди

Мухбиримиз әркин
2014-10-17
Елхәт
Пикир
Share
Принт

Хитай даирилири пәйшәнбә күни «шинҗаң биңтуәни» ниң үрүмчидә турушлуқ 6-девизийә қармиқидики бир көмүр кенида 13‏-өктәбир йүз бәргән кан вәқәсиниң қутқузуш хизмити ахирлишип, кан астида қалған 10 кишидин 9 ниң өлгәнлики, бириниң қутқузувелинғанлиқини елан қилди.

Шинхуа агентлиқиниң ашкарилишичә, мәзкур вәқә 6‏-девизийә тәвәликидики җуңго көмүр енергийә ширкитигә қарашлиқ тәңритағ көмүр електр ширкитиниң кан қудуқида йүз бәргән. Вәқә кан қудуқиниң гүмүрүлүп чүшүшидин келип чиққан. Бирақ хитай ахбаратиниң хәвәрлиридә, мәзкур кан қудуқиниң тәпсилий орни тилға елинмиған.

Хитай һөкүмити 2009‏-йили «5‏-июл вәқәси» дин кейин, уйғур елидә көпләп көмүр електр истансилирини қуруп, уйғур илиниң көмүр кан байлиқини өз җайида сәрп қилиш, бу арқилиқ һәм ичкири өлкиләрниң муһит булғинишини контрол қилиш һәм улар еһтияҗлиқ електр енергийини уйғур илидин тәминләшни йолға қоюшқа башлиған иди.

Бирақ көзәткүчиләрниң илгири сүрүшичә, бу, уйғур елидә көмүр канлириниң көпләп ечилип муһит булғинишини тезлитипла қалмай, бу йәнә ишләпчиқириш бихәтәрлики җәһәттиму еғир бошлуқ пәйда қилип, кан вәқәлириниң көпийишини кәлтүрүп чиқарған.

Хитай дунядики кан көмүр кан вәқәлири әң көп йүз беридиған дөләт. 2013‏-Йили хитай бойичә аз дегәндә 1039 киши кан вәқәсидә өлгән.

Толуқ бәт