Uyghurlar diyarida xitay kimliki éngini turghuzush teshwiqati dawam qilmaqta

Muxbirimiz eziz
2017-08-29
Share

Uyghurlar diyaridiki siyasiy bésimlarning bir ipadisi her derijilik Uyghur tayanch kadirlar toxtawsiz rewishte élan qiliwatqan ochuq xetlerde öz eksini tapidu.

Aqsuning walisi merdan muqiytning bügünki ochuq xétide bolsa, téximu ilgiriligen halda "Pan türkizm" we "Pan islamizm"ni tügitish chaqiriqi otturigha qoyulup, xitay kimliki éngini turghuzush tewsiye qilin'ghan.

"Shinjang géziti" ning 29-awghust sanida élan qilin'ghan merdanning ochuq xétide "Üch xil küch" lerning "Pan türkizm" we "Pan islamizm" idiyeliridin paydilinip, tarixni burmilighanliqi, "Wetinimiz sherqiy türkistan, dinimiz islam" dégen sho'arni teshwiq qilip "Shinjangni musteqil qilmaqchi bolghanliqi" alahide bayan qilin'ghan. Shuning bilen birge, bu idiyening hazirqi yashlarni xata yolgha bashlawatqanliqi alahide tekitlen'gen. U bu heqte "'pan türkizm' we 'pan islamizm' idiyeliri arqiliq Uyghur qérindashlirimizdiki 'jungxu'a milliti ortaq gewdisi' chüshenchisini suslashturmaqchi bolghan" dégen.

Merdanning ochuq xéti Uyghurlargha xitab qilish bilen axirlashqan bolup, u "Tamche suning peqet okyandila mewjut bolup turalaydighanliqi"ni, Uyghurlar peqet "Jungxu'a ortaq gewdisi"ning bir parchisi bolghandila öz mewjutluqini saqlap qalalaydighanliqi"ni tekitligen.

Muhajirettiki Uyghur ziyaliylar buni "Jungxu'a kimlikini teshebbus qilish emeliyette xitayning Uyghurlarni assimilyatsiye qilip tügitish siyasitige yandin medet bergenlik" dep eyiblidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.