Хитай мәтбуатлирида чәрчән наһийәсидә “йилтиз тартқан” хитай оқуғучилири мәдһийәләнгән

Мухбиримиз җәвлан
2022-04-13
Share

Хебей өлкиси бавдиң институтиниң 2000-йил оқуш пүттүргән оқуғучилири вәкиллири 2014-йил хитай рәиси ши җинпиңға хәт йезип, өзлириниң “шинҗаңда йилтиз тартқан 14 йиллиқ хизмәт вә турмуш һаяти” дин доклат бәргән. Ши җинпиңму уларға җаваб хәт йезип, “чегра районни қоғдаш вә гүлләндүрүшкә төһпә қошуватқан силәрдәк яшлардин пәхирлинимән” дегән.

Хитайчә “тәңритағ тори” да алаһидә тәшвиқ қилинған бу хәвәрдә, 2000-йил бавдиң институтини пүттүргән 15 нәпәр хитай оқуғучиниң чәрчән наһийәсигә берип, бир турғанчә 22 йил туруп йәрлишип кәткәнлики, уларниң ичидә бирсиниң чәрчән наһийәлик 1-оттура мәктәпниң муавин мудири болғанлиқи, 22 йил мабәйнидә уларниң “нурғун мунәввәр оқуғучиларни тәрбийәлигәнлики” мәдһийәләнгән.

Хәвәрдә көрситилишичә, 15 нәпәр хитай оқуғучиниң көп қисми чәрчән наһийәлик 1-оттура мәктәпкә келип синип мәсули болған. Бу мәктәпкә 100 милйондин артуқ мәбләғ селинған болуп, бүгүнки күндә 1100 оқуғучи оқуйдиған ятақлиқ толуқ оттура мәктәпкә айланған.

Тәһлилчиләрниң қаришичә, бу ятақлиқ толуқ оттура мәктәп бәлким хитайниң уйғур ата-аниларни түрмә-лагерларға, балилирини болса ятақлиқ мәктәпкә солап тәрбийәлишиниң мәһсули; хитай һөкүмити йәнә бу йил ичкири хитайдин оқуш пүттүридиған оқуғучиларни уйғур райони вә биңтуәнгә беришқа сәпәрвәр қилиши мумкин; бу хил хәвәрләр шуниң елан-тәшвиқати һесаблиниду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт