Хитай көчмән аһалилирини нопусқа елиш хизмити һәққидә мәхсус һөҗҗәт чиқирилмақта

Мухбиримиз әзиз
2018-09-04
Елхәт
Пикир
Share
Принт

Бир қисим мутәхәссисләр «уйғурлар дияридики ассимилятсийәниң бир васитиси» дәп қарап келиватқан ичкиридин зор санда хитай нопусини көчүрүш һәрикитиниң нөвәттә йәрлик һөкүмәтләрниң зор күч билән қоллиши астида иҗра болуватқанлиқи мәлум болди.

Тоқсу наһийәлик партком вә һөкүмәт буниңдин икки ай илгири «сирттин кәлгән нопусни тизимға алдурушқа риғбәтләндүрүш чариси» ни елан қилип, хитай көчмән аһалилирини шу җайда нопусқа алдурушқа илһамландурған.

Мәзкур уқтурушта көрситилишичә, ичкиридин көчүп кәлгән хитай аһалилири параванлиқ, давалиниш, олтурақ өй, нопус беҗириш қатарлиқ түрләрдә башқиларға охшаш муамилидин бәһримән болидикән, уларниң пәрзәнтлири шу җайдики йәрлик өсмүрләргә охшаш маарип һоқуқидин бәһримән болидикән. Болупму бу уқтуруштики:«сирттин кәлгән хитай нопусиниң ишқа орунлишиш вә игилик тикләш ишлириға, шундақла йәрләрни һөддигә елишиға алаһидә етибар берилиду; нопусқа алдуруш рәсмийәтлири аддийлаштурулуп, аммиви мулазимәт яки алаһидә кәсип билән шуғулланғучи хитайларни җисманий җәһәттин қоғдаш мулазимити билән тәмин етилиду» дегән маддилар кишиләрниң алаһидә диққитини қозғаватқанлиқи мәлум.

Мәлум болушичә, хитайдики нопус контроллуқи дуняда мислисиз болуп, уйғурлар дияриниң өзидә уйғурларниң бир шәһәрдин йәнә бир шәһәргә нопус йөткиши асманға чиқиштинму қийин һесаблинидикән. Әмма ичкиридин көчүп кәлгән хитайларни йәрлик һөкүмәтниң нопусиға тизимлитиш хизмитиниң бунчә зор имтиязлиқ тәдбирләр билән иҗра болушини бәзиләр «көчмән хитайлардики қорқунч туйғусиниңму ешип бериватқанлиқини васитилик һалда көрситиду» дәп қаримақта икән.

Пикирләр (0)
Share
Толуқ бәт