Xitayning tinch okyanda herbiy manéwir ötküzgenliki alaqidar tereplerning diqqitini qozghidi

Muxbirimiz irade
2017-12-21
Share

Xitayning shinxu'a agéntliqi bügün xewer tarqitip, xitay déngiz armiyesining tinch okyanning gherbiy qismida yene bir qétimliq herbiy manéwir ötküzgenlikini, manéwirgha bombardimanchi ayropilan, küreshchi ayropilan, aldin signal bergüchi ayropilan we urush paraxotlirining qatnashturulghanliqini élan qilghan.

Roytérs agéntliqining ilgiri sürüshiche, shinxu'a agéntliqi tarqatqan bu xewerde manéwir ötküzülgen éniq orunni tilgha almasliq bilen birge yene bu manéwirning héchqandaq bir dölet yaki rayonni nishan qilmighanliqi, uning peqet adettiki meshiq ikenliki eskertilgen.

Biraq yéqinqi bir qanche yildin buyan xitayning öz déngiz tewesidin uzaq jaylarda herbiy manéwir élip bérishni köpeytkenliki diqqet qozghighan idi. Bolupmu uning teywen we yaponiyege yéqin jaylarda élip barghan herbiy manéwirliri alaqidar tereplerning naraziliqini peyda qilghan idi.

Aq saray teripidin yéqinda élan qilin'ghan “Dölet bixeterlik istratégiyesi” namliq doklatta, xitayning jenubiy déngizdiki kéngeymichilik herikiti alahide tilgha élindi. Xitayni “Riqabetchi” dep atighan bu doklatta “Xitay amérikining tinch okyandiki tesirini azaytishqa urunup, amérikining menpe'etige xiris qiliwatidu,” déyilgen. Biraq, bügün xitay dölet mudapi'e ministirliqi aq sarayning bu doklatigha inkas qayturup, “Amérika xitayning herbiy tereqqiyatini mubalighileshtürüwatidu,” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet