Америка кеңәш палата әзаси ософ “шинҗаң қуяш енигийәси мәһсулатлири” ға тайинишқа хатимә беришни тәләп қилди

Мухбиримиз әркин
2021-09-24
Share

Америка кеңәш палатасиниң демократлар партийәсидин болған әзаси җон ософ, американиң уйғур елида ишләпчиқирилған хитай қуяш ениргийә мәһсулатлириға тайинишқа хатимә беришни тәләп қилған. Униң ейтишичә, америка һава келимат өзгиришигә қарши күрәш қилиш билән бир вақитта, қуяш ениргийә тәминат зәнҗирини мәҗбурий әмгәктин халий қилиш үчүнму күрәш қилиши керәк икән. Җон ософ америка президентиниң йәр шари келимат ишлири алаһидә вәкили җон кәррий, американиң уйғурлар билән келимат мәсилисидә “қийин таллаш” қа дуч кәлгәнликини билдүрүп, арқидинла бу сөзләрни қилған.

Җон кәррийниң сөзи кишилик һоқуқ тәшкилатлирида әндишә қозғиған иди. Җон ософ 23-сентәбир “блумберг хәвәрлири” ниң зияритини қобул қилғанда, американиң кишилик һоқуқта мурәссә қилишиға болмайдиғанлиқи, буниң “һәр ‍иккилисини қилиш керәклики”, буниң “әхлақий мәҗбурийәт” икәнликини тәкитлигән.

У мундақ дегән: “келимат мәсилисидә биз һазирла һәрикәткә өтүшимиз, қул әмгики мәсилисидиму һазирла һәрикәткә өтүшимиз керәк… биз зор дәриҗидә хитайниң уйғур мәҗбурий әмгикигә тайинип ишләпчиқирилидиған қуяш ениргийәси мәһсулатлириға йөлинип қалдуқ.”

Җон ософниң ейтишичә, у қуяш ениргийә тәминат зәнҗирини америкаға қайтуруп келиш, қуяш ениргийә мәһсулатлирини америкада ишләпчиқириш, президент байденниң келимат өгиришини контрол қилиш пиланиға уйғунлишиш, қуяш ениргийә тәминат зәнҗирини уйғур мәҗурий әмгикидин халий қилиш үчүн “қуяш ениргийә қанун лайиһәси” сунған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт