Хитайдин келидиған қуяш енергийә тахтайлирини пүтүнләй чәкләш тәклипи оттуриға қоюлди

Мухбиримиз әзиз
2021-09-28
Share

Америка вә явропа базирида көпләп сетиливатқан қуяш енергийәси тахтайлириниң хитай һөкүмити иҗра қиливатқан "уйғур мәҗбурий әмгики" гә четишлиқ икәнлики айдиңлашқандин буян буниңға қарши түрлүк чақириқлар оттуриға қоюлуватқанлиқи мәлум. Йеқинда америка кеңәш палатасиниң әзалири бу һәқтики техиму күчлүк тәклипни оттуриға қойған.

"бломберг хәвәрлири" ниң 27-сентәбирдики хәвиридә ейтилишичә, кеңәш палата әзалиридин җон оссоф қатарлиқлар бу йил 21-июнда "америка қуяш енергийә тахтилирини башқуруш қануни" ни сунған болуп, йеқинда улар "хитайдин келидиған барлиқ қуяш енергийә тахтисини мәни қилиш" ни тәкитлигән. Улар буниң үчүн америка ширкәтлирини қуяш енергийә тахтиси ишләпчиқиришқа риғбәтләндүрүш лазимлиқини, буниңға аваз қошқан америка ширкәтлиригә йиллиқ баҗ қайтуруш ишлирида етибар беришни ейтқан. Җон оссоф бу һәқтә телевизийә зияритини қобул қилған һәмдә "бизниң килимат мәсилисини ойлишиш мәҗбурийитимиз бар. Шундақла мәҗбурий әмгәккә қарши туруш мәҗбурийитимизму бар. Әмма биз һазир уйғурларниң мәҗбурий әмгикигә четишлиқ болған қуяш енергийә тахтайлириға бәкла еғир тайинип қалидиған вәзийәттә. Шуңа буни өзгәртиш лазим" дегән.

Мәлум болушичә, нөвәттә бир қисим америка сиясийонлириниң килимат мәсилисини баһанә қилип хитай билән болған һәмкарлиқни күчәйтишни тәкитлимәктә икән. Навада қуяш енергийә тахтисиға даир бу қанун лайиһиси мақулланса буниң иҗабий тәсир бәкла зор болидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт