Xitay Uyghur élidiki tunji égizlik ayrodromida sinaq uchushlirini bashlighan

Muxbirimiz irade
2021-12-23
Share

12-Ayning 23-küni tashqorghan nahiyesidiki qonjérab ayrodromida tunji qétimliq sinaq uchush élip bérilghan bolup, ayrodrom resmiy uchushqa teyyar haletke kirgen.

Xitay xewerler torining xewiridin qarighanda, mezkur ayrodromda 10 kün sinaq uchushi élip bérilidiken we 2022-yilining may éyida resmiy qatnashqa échilidiken.

Qeshqer wilayiti tashqorghan tajik aptonom nahiyesining aqtam bazirigha jaylashqan bu ayrodrom tunji égizlik ayrodromi bolup, u xitayning 13-besh yilliq pilanidiki muhim qurulush türining biri idi.

Xitay taratquliri bu yil 8-ayda ayrodrom qurulushining jiddiy élip bériliwatqanliqi heqqide xewer tarqatqanda mezkur égizlik ayrodromi qurulushining del amérika afghanistandin esker chékindürgen, talibanlar afghanistanning hakimiyet béshigha chiqqan bir mezgilge toghra kélishi diqqet qozghighan.

Tashqorghan nahiyesi Uyghur aptonom rayonining tajikistan, afghanistan we pakistan bilen bilen chégralinidighan muhim istratégiyelik nuqtisigha jaylashqan bolup, chet'ellerdiki Uyghur közetküchiler, xitayning bu ayrodromni jiddiy türde yasishi talibanlar hakimiyetni qolgha alghandin kéyinki afghanistanning murekkep weziyiti shundaqla xitayning ottura asiya we gherbiy-jenubiy asiya istratégiyesi bilen munasiwetlik, dep qarimaqta.

Melum bolushiche, mezkur ayrodrom Uyghur élidiki tunji égizlik ayrodromi bolup, u yilliq 160 ming adem qétim we 400 tonna yük we pochta yollanmisi toshush iqtidarigha ige iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet