Bén koxén: "Xitay yene bir qétim dunyaning közini boyimaqchi boluwatidu!"

Muxbirimiz eziz
2020-11-24
Share

Amérika démokratiyesi éghir kirizislargha duch kelmekte, dep qariliwatqanda bu halning dunyaning bashqa jaylirida, bolupmu xitayda téximu éghir aqiwetlerge seweb boluwatqanliqi yéqindin buyan zor ghulghula qozghashqa bashlidi. Siyasiy analizchi bén koxénning "Yehudiy xewer ambiri" ning tor bétide 23-noyabir élan qilin'ghan bu heqtiki maqalisida bu mesile alahide tekitlendi.

Aptorning qarishiche, nöwette xitay hökümitining xongkongdiki "Bir dölette ikki xil tüzüm bolush" wedisini berbat qilishi hemde milyonlighan Uyghurni lagérgha qamap, ularni "Ölchemlik puqra" gha aylandurmaqchi bolushi xitay hökümitining démokratiye qurulushigha qaysi derijide buzghunchiliq qiliwatqanliqini eng yarqin körsitip béridiken. Bolupmu amérikaning özide siyasiy közqarashlar sewebidin zor tewrinish boluwatqan bügünki künde amérika kéngesh we awam palata ezalirining dawamliq halda Uyghurlar mesilisini tekitlishi hemde ötken hepte birleshken döletler teshkilati (b d t) bash katiwi antonyo guttérésqa "Uyghurlarning ehwalini tekshürüshke mexsus wekil teyinlesh" mezmunida birleshme mektup yollishi bu menidin alghanda alqishlashqa tégishlik heriket iken.

Gerche nöwette xitay hökümiti qiliwatqan ishlardin Uyghurlarning milliy we diniy kimlikini öchürüwétish urunushliri hemde Uyghurlargha qaritilghan mejburiy tughut cheklesh tedbirliri, buningdin ilgirila melum bolushqa bashlighan Uyghurlarni ramizan mezgilide choshqa göshi yéyish we haraq-piwa ichishke mejburlash qilmishliri alliqachan "Medeniyet qirghinchiliqi" yaki "Qirghinchiliq" dep atalghan bolsimu, xelq'araning bu hadisilerni tekshürüsh xizmiti hazirghiche emelileshmigen. Xitay hökümiti bolsa bu heqtiki teleplerni "Bizning igilik hoquqimizgha arilashqanliq" dep ret qilmaqtiken. Yene kélip xitay hökümitining neziride "Igilik hoquq" chüshenchisi herqachan "Öz téritoriyeside némini xalisa shuni qilish" dégen menide qollinilidiken. Del mushu hadise nöwette xelq'araning közini boyap, Uyghurlar duch kéliwatqan paji'elerni dunyaning közidin xaliy qaldurmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet