Awstraliye eqil ambiri xitayning Uyghurlar mesiliside chet el teshwiqatchiliridin qandaq paydilan'ghanliqini ashkarilidi

Muxbirimiz erkin
2021-12-15
Share

Awstraliye istratégiyelik siyaset inistituti 14-dékabir yene doklat élan qilip, xitayning dölet ‍ichi-sirtida özining Uyghurlar mesilisidiki meydanigha mas kélidighan pikirlerni shekillandürüsh hem algha sürüshte chet el ijtima'iy taratqu aktipliridin qandaq paydighanliqini ashkarlighan. Doklatta, xitay dölet apparatlirining tor ‍aktiplirining ijtima'iy taratqularda shinjanggha a'it mezmunlarni tarqitishi, xitayning bu mesilidiki bayanlirini qollaydighan mezmunlarni yorutushini qollap kelgenlikini bildürgen.

“Éghizni ariyetke élip shinjang toghrisida sözlesh” namliq bu doklatta körsitishiche, ‍ijtima'iy taratqudiki mezmunlar gherb taratqulirining xewerlirige, ilmiy tetqiqat we chet el hökümetlirining tenqidlirige, Uyghur élidiki keng kölemlik kishilik hoquq depsendichilikige qarshi pikirlerni mezmun qilghan iken. Doklatta bu mezmunlarning hemishe xitay hökümet axbaratlirida, uning chong xelq'ara ijtima'iy taratqulardiki hésabi hem xitay tashqiy ishlar ministirliqining axbarat yighinlirida tarqitilidighanliqi tekitlen'gen.

Doklatta éytilishiche, 2020-yili 1-aydin 2021-yili 8-ayghiche, amérikadiki ijtima'iy alaqe supilirida xitay kontrolluqidiki 156 hésab nomuri az dégende 546 féysbuk, twittér yazmisi, shundaqla xitay yer shari téléwiziye tori, “Yer shari waqti géziti”, shinxu'a agéntliqi we “Xitay géziti” toridiki Uyghur éligha a'it mezmunlarni 13 tor aktipining hésabi arqiliq hembehirligen bolup, bu heriketlerning 50 pirsenttin köpreki féysbukta yüz bergen. 44 Betlik bu doklatni awstraliye istiratégiyelik siyaset inistitutining “Xelq'ara tor siyasiti merkizi” teyyarlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet