Amérika kéngesh palata ezaliri baydinni xitayda tarqalghan yuqumluq késelliki tüpeyli amérika bilen xitay otturisidiki sayahetni derhal chekleshke chaqirghan

Washin'gtondin muxbirimiz uyghar teyyarlidi
2023.12.01

Xitaydiki balilar yashan'ghanlar arisida shiddet bilen tarqilishqa bashlighan sirliq bir nepes yoli yuqumluq késili amérikining ohayo we massachuséts shitatida bayqalghan.

Amérikining “Heptilik xewerler” (News Week) torining 1-dékabir künidiki xewirige asaslan'ghanda, ohayo shitatida balilar öpke yallughigha giriptar bolghan yeni nepes yoli késellikliri bu ishtatta tarqalghan. Bu uchur ohayu ishtatidiki sehiye tarmaqliri teripidin élan qilin'ghan. Massachuséts shitatidimu bu xil ehwalning körülgenliki toghrisida xewerler bolsimu, lékin emeldarlar bu ehwallarning pesil xaraktérlik yuqumlinish bilen munasiwetlik ikenlikini éytqan.

Ohayo shitati warrén nahiyelik sehiye tarmaqlirining bildürüshiche, peyshenbe künige qeder, 3 yashtin 14 yashqiche bolghan balilar arisida öpke yallughigha giriptar bolghanlar 145 bolup, ohayo sehiye ministirliqining éniqlimisigha asaslan'ghanda bu bir yuqumluq késellik iken.

Mezkur xewerde déyilishiche, xitaydiki balilar we yashan'ghanlar arisida tarqalghan nepes yoli yuqumluq késilining shiddet bilen tarqilishi, bolupmu xitay sehiye tarmaqlirining buninggha munasiwetlik uchurlarni xelq'ara jem'iyet bilen yéterlik ortaqlashmasliqi, üch yil burunqi korona wirusigha oxshash wirusining yamrap kétish endishisini peyda qilmaqta iken.

 “Dewr géziti” ning ilgiri sürüshiche, xitay hökümiti béyjingda turushluq chet el axbarat wasitilirining “Öpke yallughi” yaki “Tarqilishchan zukam” toghrisida xewer bérishige yol qoymighan. Xitay sehiye tarmaqliri we dölet ichidiki taratqularningmu bu yuqum toghrisida xewer bérishi cheklen'gen.

“Amérika herbiy ishlar xewiri” ge asaslan'ghanda, bügün jumhuriyetchi kéngesh palata ezaliridin marko rubiyo , sins wenis, rik sikat we tomi tubirwil qatarliqlar pirézidént baydin'gha xet ewetip, xitayda tarqalghan bu wirus toghrisida éniq we tepsiliy uchurgha érishmigüche, xitaygha sayahet cheklimisi qoyushini telep qilghan.

Jumhuriyetchiler partiyesining kéngesh palata ezaliri pirézidént baydin'gha mundaq dep yazghan: “Namelum nepes yoli késellikliri xitayda tarqalghanliqi üchün, biz sizni amérika bilen xitay otturisidiki sayahetni derhal chekleshke chaqirimiz.”

 

 

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.