Roytérs: xitay chet'eldiki öktichilerni ularni yurtidiki uruq-tughqanliri arqiliq kontrol qilishqa urunuwatidu

Muxbirimiz erkin
2015-12-30
Share

Roytérs agéntliqi charshenbe küni maqale élan qilip, xitayning chet'eldiki Uyghur pa'aliyetchilirini ularning yurtidiki uruq-tughqanliri arqiliq kontrol qilishqa urunuwatqanliqini ilgiri sürdi.

Maqalide, kanadaliq Uyghur pa'aliyetchisi erkin qurbanning 2013‏-yili 85 yashliq anisini yoqlap yurtigha barghanda xitay bixeterlik organlirining soraq qilishi we tehdit sélishigha uchrash weqesige orun bergen.

Bu yil 55 yashlardiki uzun yolluq yük aptomobil shopuri erkin qurban 2013‏-yili 4‏-ayda ürümchige yétip bérip, 3‏-küni xitay dölet bixeterlik xadimliri teripidin soraq qilinishqa bashlighan.

Da'iriler uningdin d u q, rabiye qadir xanimning ehwali, kanadadiki Uyghur pa'aliyetchilerning uchuri bilen teminleshni, özlirige jasusluq qilishni telep qilghan. Emma u kanadagha qaytip kélip ehwalni derhal kanada bixeterlik orgini we d u q gha melum qilghan.

Roytérsning maqaliside ilgiri sürüshiche, erkin qurbanning soraq qilinishi "Xitayning muhajirettiki Uyghur jama'itige qarshi istixbarat toplash, ulargha parakendichilik sélish yer shari herikitining bir parchisiken."

Maqalide, xitayning shimaliy amérika, yawropa, awstraliye qatarliq ellerdiki jasusluq herikiti heqqide toxtilip, bezi Uyghur pa'aliyetchilirining, "Xitay jasusluq tori tibetlerge qarighanda chet'ellerdiki Uyghur jama'etlirige téximu muweppeqiyetlik singip kirdi", dep qaraydighanliqini tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet