Kishilik hoquq teshkilatliri xelq'ara olimpik komitétini 2022-yilliq béyjing qishliq olimpik musabiqisini emeldin qaldurushqa chaqirdi

Muxbirimiz jewlan
2020-09-09
Share

"Nyu-york waqti" torining 9-séntebir xewer qilishiche, 160 din artuq kishilik hoquq teshkilatliri xelq'ara olimpik komitéti re'isige birleshme mektup sunup, mezkur komitétni xitaydiki kishilik hoquq mesilisini nezerde tutup, 2022-yilliq qishliq olimpik musabiqisini xitayda ötküzüshni qayta oylishishqa chaqirdi. Ilgiri bezi kishilik hoquq teshkilatliri öz aldigha mushundaq chaqiriqlarni qilghan, halbuki bu qétimqisi xitaygha qaritilghan keng-kölemlik birleshme chaqiriq, birleshme heriket iken.

8-Séntebir küni élan qilin'ghan bu mektupta mundaq déyilgen: "Xelq'ara olimpik komitéti shuni tonup yétishi kérekki, xitay hakimiyitining kontrolluqi astidiki her qaysi jaylarda kishilik hoquq mesilisi künséri éghirlishiwatidu, bu ehwal olimpik rohi we olimpik yighinining xelq'araliq inawitini téximu ziyan'gha uchritidu." mektupta yene mundaq déyilgen: "2008-Yilliq béyjing olimpik yighini xitay hakimiyitining yürikini yoghinitip, Uyghur we bashqa milletlerge téximu qattiq qol siyaset yürgüzüshke türtke bolghan."

Bu mektupqa asiya, yawropa, shimaliy amérika, afriqa we awstraliyediki Uyghurlar, tibetler, xongkongluqlar we mongghullarning kishilik hoquq teshkilatlirimu imza qoyghan. Xitay tashqi ishlar ministirliqi buni "Tenterbiyeni siyasiylashturush" dep eyibligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet