Béyjing olimpik musabiqisining kishini chöchüterlik iqtisadiy himayichiliri ashkarilandi

Muxbirimiz eziz
2021-10-14
Share

Xitay hökümitining Uyghur diyaridiki irqiy qirghinchiliqini eyiblesh we uni chekleshtiki bir muhim tedbir qatarida tilgha éliniwatqan témilarning biri-béyjing qishliq olimpik musabiqisini bayqut qilish bolup kelgen idi. "Blumbérg xewerliri" torining bu heqtiki tekshürüsh doklati 2022-yilidiki béyjing olimpik musabiqisini iqtisadiy jehettin qollawatqan shirketlerning bu qétimliq musabiqidin alidighan paydisini tunji bolup ashkarilidi.

"Blumbérg xewerliri" ning 13-öktebirdiki xewiride éytilishiche, aldinqi orunda turidighan 12 xelq'araliq shirket béyjing olimpik musabiqisige da'ir türlük pa'aliyetlerdin texminen 110 milyart amérika dolliri kirim qilish aldida turmaqta iken. Buning ichide Toyota, Samsung, Intel, Panasonic qatarliq töt chong shirketning alidighan paydisila 95 milyart amérika dollirigha yétidiken. Halbuki, bu shirketlerning hemmisila "Blumbérg xewerliri" ning bu heqtiki so'allirigha jawab bérishtin özlirini élip qachqan. Omega We Airbnb shirketlirila jawab qayturup: "Biz derweqe Uyghurlarning qirghin qiliniwatqanliqi heqqidiki xewerlerni angliduq. Shunga bu ehwallarni yéqindin közitiwatimiz," dégen.

Xelq'ara sahening béyjing olimpik musabiqisini bayqut qilish chaqiriqini otturigha qoyushidiki bir muhim seweb xitay hökümitining Uyghurlarni qirghin qilishi we xongkongdiki démokratiye muhitini xarab qilishi bolup, bu mesile köp qétim xelq'ara olimpik komitétigha inkas qilin'ghan idi. Yéqinda Uyghurlarning qirghinchiliq qiliniwatqanliqi heqqidiki ehwallar yene bir qétim mezkur komitétning mu'awin re'isi jon ko'atéstin soralghanda, u mundaq dep jawab bergen: "Biz dunyawiy hökümet emes. Xitayning kishilik hoquqtiki ishlirigha biz arilishalmaymiz. Yene kélip biz peqet olimpik musabiqisige sahibxanliq qilidighan döletning igilik hoquqigha hörmet qilimiz."

Emma olimpik ehdinamisining bash bétige "Tenterbiye pa'aliyetliri arqiliq téximu güzel dunya qurup chiqimiz" dep yézilghan bolup, nöwette bir qisim hökümet emeldarliri béyjing qishliq olimpik musabiqisini ötküzüsh del ashu xil ehdinamige xilapliq qilghanliqqa barawer, dep qarimaqta iken. Amérika kéngesh palatasining ezasi marko rubyo ependi bu heqte qilghan sözide: "Gherb shirketlirining béyjing olimpik musabiqisini iqtisadiy jehettin qollishi mahiyette 'qirghinchiliqni bexudük dawam qilinglar' dégenlikke barawer" dep körsetken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet