Xitay ölkiliridin qobul qiliniwatqan minglighan xitay oqutquchilar Uyghur élining ma'arip sahesini qaplimaqta

Muxbirimiz qutlan
2018.02.17
Share on WhatsApp
Share on WhatsApp

Ötken yilining kéyinki yérimidin buyan Uyghur élidiki herqaysi sheher we nahiyiler arqa-arqidin uqturush chiqirip, xitay ölkiliridin biwasite oqutquchi qobul qilishqa bashlighan.

Buning bilen Uyghur aptonom rayonining 1950-yillardin buyanqi milliy ma'arip sistémisi, oqutquchilar qoshunining qurulmisi shuningdek özige xas ma'arip rohi pütünley xitaylashturush dewrige qedem qoyghan.

Qaghiliq nahiyisi qeshqer wilayiti tewesidiki chong nahiyelerning biri bolup, ottura-bashlan'ghuch mekteplerdiki oqutquchilar qoshuni ichide Uyghur oqutquchilar mutleq köp sanni teshkil qilatti. Halbuki, yéqindin buyan qaghiliq nahiyisi öz tewesidiki Uyghur oqutquchilarni ma'arip sahesidin siqip chiqirishqa bashlighan we ularning ornini xitay ölkiliridin yuqiri ma'ash we teminat bilen qobul qiliwatqan xitay oqutquchilar bilen toldurushqa bashlighan.

Qaghiliq nahiyilik hökümet torida élan qilin'ghan yéqinqi bir uqturushta qaghiliq nahiyisining xitay ölkiliridin bir qétimdila jem'iy 2968 neper xitay oqutquchi qobul qilidighanliqi bildürülgen. Ularning 892 nepiri yesli oqutquchiliqigha, 1045 nepiri bashlan'ghuch mektep oqutquchiliqigha, 634 nepiri toluqsiz ottura mektep oqutquchiliqigha, 397 nepiri toluq ottura mektep oqutquchiliqigha qobul qilinidiken. Ulargha heqsiz turalghu we ayda 9000 ming yüendin 9500 yüen'giche ma'ash bérilidiken.

Oxshash waqitta yopurgha nahiyilik hökümetmu uqturush chiqirip, xitay ölkiliridin jem'iy 1200 neper xitay oqutquchi qobul qilidighanliqini bildürgen. Ularmu oxshashla yuqiri ma'ash we heqsiz turalghudin behrimen bolidiken.

Közetküchilerning texmin qilishiche, egerde xitay mushu rewishte xitay ölkiliridin adem yötkep, Uyghur élidiki mekteplerni xitay oqutquchilar bilen tolduridighan bolsa, Uyghur ziyaliyliri arisidiki eng köp sanni teshkil qilidighan Uyghur oqutquchilar qoshuni yéqin kelgüside tamamen ghayib bolidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.