Uyghur aptonom rayonluq dölet xewpsizliki nazaritining naziri tyen yong sh u a r teptish mehkimisining partkom sékritarliqigha teyinlen'gen

Muxbirimiz erkin
2021-12-17
Share

Xitay da'iriliri Uyghur élidiki eng chong jasusliq organi bolghan dölet xewpsizliki nazaritining naziri tyen yongni Uyghur aptonom rayonluq teptish mehkimisi partkomining sékritari qilip yötkigen. Xitayning bu orunlashturushta qandaq amillarni közda tutqanliqi éniq bolmisimu, biraq wezipe almashturushning xelq'arada xitayning Uyghurlargha yürgüziwatqan “Irqiy qirghinchiliq” jinayitini jawabkarliqqa tartish chuqanliri künséri küchiyitatqan bir waqitta yüz bérishi diqqet qozghimaqta.

“Shinjang xewerliri” torining ashkarlishiche, Uyghur aptonom rayonluq dölet xewpsizliki nazaritining partkom sékritari we naziri tyen yong, Uyghur aptonom rayonluq teptish mehkimisining partkom sékritarliqigha yötkelgen.

Xewerde tyen yongning konkirét qachan bu wezipige yötkelgenliki éytilmighan bolsimu, biraq uning aptonom rayonluq dölet xewpsizliki nazaritining naziri bolup wezipe ötigen mezgilde “Singip kirishke, aghdurmichiliqqa, bölgünchilikke, xurapatliqqa we térorluqqa qarshi küreshni chongqurlashturghanliqi” tekitlen'gen. Xewerde éytilishiche, u yéqinda yerken nahiyeside tekshürüshte bolghandimu 6 nuqtiliq telepni otturigha qoyghan. U bu 6 nuqtining birinchiside “Bash nishanni chöridep, omumiy ‍ijtima'iy weziyetning muqim bolushini qoghdash” ni telep qilghan iken.

Közetküchilerning éytishiche, xitay hökümitining 2017-yili bashlan'ghan chong tutqunida rayondiki teptish organlirining asasliq wezipisi lagérdiki tutqunlarni tekshürüsh we bir terep qilishqa qaritilghan iken. Közetküchiler, bu mezgil ichide on minglighan Uyghur tutqunlarning qanuniy resmiyetsiz jazalan'ghanliqi, nöwette xitay hökümitining bu jinayitini yoshurushning péyigha chüshkenlikini bildürmekte. Ularning éytishiche, tyen yongning bu wezpige qoyulushi shuning bilen munasiwetlik iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet