Prézidént tramp, xitayni pul kursini kontrol qilidighan "Bash chémpiyon" dédi

Muxbirimiz erkin
2017-02-24
Share

Amérika prézidénti donald tramp peyshenbe küni xitayni pul kursini kontrol qilidighan döletlerning "Bash chémpiyoni" dep körsetti. Roytérs agéntliqining xewer qilishiche, prézidénti tramp bu sözni 23‏-féwral aqsarayda roytérs agéntliqining mexsus ziyaritini qobul qilghanda dégen.

Prézidént tramp ziyarette, xitayning pul kursini kontrol qilishi, jenubiy déngiz mesilisi, xitayning jenubiy koréyege bolghan tesiri qatarliqlarni öz ichige alghan nurghun mesililer heqqide toxtalghan.

Prézidént tramp ilgiri prézidéntliq wezipisige olturghan tunji küni xitayni pul kursini kontrol qilidighan dölet dep élan qilidighanliqini we xitay towarlirigha 45% baj qoyidighanliqini élan qilghan. Prézidént tramp bu wedisini hazirgha qeder emelge ashurmighan bolsimu, biraq u, roytérs agéntliqigha özining bu pikride héchqandaq özgirish bolmighanliqini bildürgen.

Tramp, "Ular (xitay) pul kursini kontrol qilishning bash chémpiyoni. Bu pikrimde özgirish bolmidi. Biz peqet qandaq bolushini bir mezgil közitimiz" dégen. Prézidént bu sözni qilghan del shu küni, amérika maliye ministiri stéfin mumkin amérika axbarat wasitilirige bergen bayanatida, maliye ministirliqining bu heqtiki analizigha qarap bir qarargha kélidighanliqini bildürgen. Amérika maliye ministirliqining yilliq pul-mu'amile analiz doklati her yili aprél we öktebir aylirida élan qilinidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet