Amérika xitayni pul kursini gherezlik chüshürüshtin saqlinishqa agahlandurdi

Muxbirimiz erkin
2015-09-04
Share

20Dölet maliye ministirliqining yighini jüme küni türkiyening enqere shehiride échildi. Xitayning iqtisadiy ehwali we amérikining pul siyasiti bu qétimqi yighinda nuqtiliq muzakire qilinidighan mesile.

Yighinda, amérika maliye ministiri jek léw, xitay maliye ministiri lojiwéygha xitayning pul kursini gherezlik chüshürmesliki kéreklikini tekitligen.

Jek léw, xitayning pul kursini erkin bazar arqiliq tengshishi kéreklikini eskertip, pul kursini gherezlik chüshürüshtin saqlinishqa agahlandurghan.

Xitay merkizi bankisi bu yil 11‏-awghust xelq pulining kursini 2 % chüshürüp, xelq'ara bazarda endishe qozghighan idi. Firansiye agéntliqining xewer qilishiche, jek léw xitayning wediside turup, xelq puli kursini bazar arqiliq tengsheshke qarap méngishining muhimliqini tekitligen.

Jek léw yene, xitayni dadil iqtisadi islahat élip bérishqa chaqirghan. Firansiye agéntliqi amérika maliye ministirliqi bayanatchisining sözni neqil keltürüp, jek léwning "Iqtisadi islahat yolida dadil ilgirilesh xitayni téximu küchlük, téximu balans we téximu yuqumluqqa érishtüridu" dégenlikini bildürdi.

Xelq'ara pul fondi buningdin sel awwal dunyadiki asasliq iqtisadi döletlerni xitay iqtisadining chékinishi peyda qilidighan aqiwetlerdin hoshyar bolushqa agahlandurghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet