Shenbe küni xitayda qattiq yamghur apiti yüz bérip 90 gha yéqin adem ölgen

Muxbirimiz jüme
2016-07-24
Élxet
Pikir
Share
Print

Shenbe küni xitayda qattiq yamghur apiti yüz bérip 90 gha yéqin adem ölgen, nechche minglighan dem tarqaqlashturulghan.

Xitay merkizi téléwiziyesining xewer qilishiche, yamghurdin kéyin changjyang deryasi téship kétip xubéy ölkisining köp jaylirini su bésip ketken, netijide xubéy ölkiside ziyan eng éghir bolghan.

Shinxu'a axbaratining xewer qilishiche xubéy ölkiside körülgen apette az dégende 72 adem ölgen, 78 ademning dériki bolmighan. Az kem 50 ming öy örülgen.

Xénende körülgen apette 15 adem ölgen, 8 ademning iz - dériki bolmighan. 72 Ming adem öylirini tashlap qéchishqa mejbur bolghan, 18 ming öy weyran bolghan.

Melum bolushiche, bu qétimqi apette omumiy ziyan 20 milyard yüen'ge, apetning tesirige uchrighan adem 8.6 Milyon'gha yetken.

Yamghur we yamghurdin kéyin yüz bergen kelkün ‍a pitide su astida qalghan déhqanchiliq zira'etliri nechche milyon modin éship ketken.

Bu yil yaz kirgendin buyan xitayning jenubiy ölkisi we changjyang derya déltisigha jaylashqan rayonlirida höl - yéghin we kelkün apetliri köp körülgen.

Bu ayning béshida xitayning tibet, guyju, xunen, xubéy, enxuy, yünnen, jyangshi we jyangsu qatarliq ölkiliri qattiq yamghur apitige uchrighan. Xitay axbaratliri bu heqtiki xewerliride 222 ademning ölgenlikini xewer qilghan idi.

Toluq bet