Xitayning 20-qurultiyigha 10 Uyghur, 26 xitay wekil qatnishidiken

Muxbirimiz jewlan
2022.06.29
Share on WhatsApp
Share on WhatsApp

Xitayche “Tengritagh” torining xewer qilishiche, Uyghur aptonom rayonluq partkom yéqinda partiye wekilliri yighini échip, xitay kompartiyesining bu yil ötküzülidighan 20-qurultiyigha qatnishidighan wekillerni saylap chiqqan.

Yighinda jem'iy 43 neper wekil saylan'ghan bolup, erkin imir baqi, erkin tunyaz, shawket imin qatarliq 10 neper Uyghur buning ichige kirgen. Ma shingrüy qatarliq xitay wekilliri 26 neperge yetken, qazaq, tajik, mongghul, shéwe, xuyzu(tunggan) 7 neper bolghan.

Xewerde “Bu wekiller partiye ichidiki démokratik saylam arqiliq wujudqa keldi, qa'ide-nizamgha we merkezning telipige uyghun boldi” déyilgen. Emma bularning axirqi hésabta “Partiye 20-qurultiyi wekillirining salahiyitini tekshürüsh komitéti” teripidin békitilidighanliqi eskertilgen.

Yuqiriqi 43 wekil ichidiki 26 xitay bu rayondiki Uyghur qatarliq milletlerning partiye wekillirining omumiy sanining bir hessisige toghra kelgen bolup, atalmish Uyghur aptonom rayonning emeliyette xitayning bir ölkisige aylan'ghanliqi ochuq ayan bolghan. BBC Xitayche torida 2018-yil élan qilin'ghan “Xelq qurultiyi wekilliri yighinining yépilish murasimi: shi jinping partiyening hemmige rehberlik qilidighanliqini tekitlidi” namliq obzurda körsitilishiche, shi jinping barliq hoquqni alliburun xitay sékritarlirining qoligha toluq merkezleshtürgen bolup, hoquqqa érishkenler asasen milletchi xitaylardin teshkil tapqan. Xitay hökümiti kéyinki yillarda “Milliy térritoriyelik aptonomiye” siyasitini tamamen chörüwetken bolup, peqet bir qisim “Milliy kadirlar” ni wekil qilip qaldurup qoyghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.