Хитайда йәнә 4 адәм қуш зукими вируси билән өлгән

Дуня сәһийә тәшкилатиниң җүмә күнидики хәвиригә қариғанда хитайда йәнә 4 адәм қуш зукими вируси билән өлгән болуп, шуниң билән мәзкур зукамда өлгәнләрниң сани 36 ға йәткән.

Бу йил марттин башлап хитайда тарқалған H7N9 типлиқ қуш зукими хитайниң шаңхәй вә қошна районларға тәһдит салған һәмдә хитайниң башқа җайлиридиму һәр хил вәһимләрни пәйда қилған иди.

Мәлум болушичә, мәзкур зукамниң қуштин - қушқа юқуш иқтидари илгири зукамларға қариғанда алаһидә юқири болуп, бу мутәхәссисләрни әндишигә салған.

Һалбуки, мәзкур зукамниң тарқилиши 8 - майдин бери муәййән дәриҗидә тизгинләнгән вә шундин кейин йеңидин юқумланғанлар байқалмиған.

Дуня сәһийә тәшкилати нөвәттә хитайдики юқум әһвалиға йеқиндин диққәт қилмақта.