Хитай һөкүмити қуяш ениргийәси тахтисиниң мәҗбурий әмгәк билән четишлиқ әмәсликини испатлап берәлмигән

2022.08.11
Share on WhatsApp
Share on WhatsApp

Хитай һөкүмити америкаға експорт қилған қуяш ениргийәси тахтисиға ишлитилгән хам әшяниң уйғур районидики мәҗбурий әмгәк билән четишлиқ әмәсликини испатлап берәлмигән.

“америка хәвәрлири” торида елан қилинған мәзкур хәвәрдә ейтилишичә, “уйғур мәҗбурий әмгикиниң алдини елиш қануни” (UFLPA) иҗра қилинғандин кейин, хитайниң америкаға зор миқдарда експорт қиливатқан қуяш ениргийәси тахтиси, пахта тоқумичилиқ мәһсулатлири вә башқа маллири таможнида тутуп қелиниватқан болуп, хитай ширкәтлири бу мәһсулатларни ишләпчиқиришта уйғурларни қул қилип ишләтмигәнлики һәққидә һечқандақ испат көрситип берәлмигән.

Америка таможниси хитай ширкәтлиридин қуяш ениргийәси тахтисиға ишлитилидиған кирсталлиқ киремниниң муһим маддиси болған куартизни қезиш ишлириға мәҗбурий әмгәк күчлирини ишләтмигәнликини испатлашни тәләп қилған, әмма хитай ширкәтлири буни испатлап берәлмигән; мәлум болушичә, уйғур районидики киримней вә куартиз канлирида мәҗбурий әмгәк селиниватқанлар көп болуп, буларниң көпинчиси түрмә-қамақханиларға яки аталмиш “қайта тәрбийәләш орунлири” ға соланғанлар икән.

Хәвәрдә ейтилишичә, америка вә башқа дөләтләрдә қуяш ениргийәси тахтисиға болған еһтияҗ ешип барғанчә, хитайдики мәҗбурий әмгәк дәпсәнчилики техиму еғирлайдикән. Һалбуки, хитай һөкүмити бу районда мустәқил тәкшүрүшкә йол қоймиғанлиқи үчүн хитайниң тәминләш линйәсидә уйғурларни қул қилиш җинайитиниң арилишип қалған-қалмиғанлиқини испатлап бериш наһайити мүшкүл икән.    

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.